相隔一年有多~又再開始打blog了~^o^

文章日期：09/14/2012 06:02 am

幾經辛苦終於讓yahoo修正錯誤......post終於唔係得自己睇到了.....
是我閒置這裡太耐的原因嗎......
言歸正傳~


我又再次的起心肝打blog起黎~hahaha~
個介面唔同左~要重新執返靚仔佢~
以前既post都收起了~
就當再重新開始啦~

由於我都自覺有點為食~（係有點者）
所以就分享一下近來食過d咩吧~

位於中環的一間老字號~公利~(人地咁出名我都係第一次去ja....)

好明顯佢係出名竹蔗水既~馬蹄糕椰汁糕就食得多啦~蔗汁糕都係第一次食~
不過唔知係咪夜晚就收工~所以用發泡膠碗載住~就冇影低了~
蔗汁糕唔會好甜~而且煙煙靭靭~係幾好食既~
仲買左支竹蔗汁走tim~得閒可以再黎食下~

唔知大家近日有冇行citysuper~
而家做緊北海道食品節哦~
當然我又點忍到手咩都唔買呢~
結果就買左少少~

其中一樣就係久遺了既波子汽水~(飲完要特登拎粒波子出黎)
夕張蜜瓜味~不過呢個味既波子汽水就麻麻地啦......

另外買左一包好靚既糖~
佢個包裝其實係重點!!!
好似麻布咁既包裝袋~要拆線先開到包裝哦~我都係第一次咁開零食~

拎左入邊包糖出黎就可以用啦~(目前只放左一d紙張入去當雜物袋用....)

入邊其實係牛油糖~外層甜甜的~中間有點點咸味~
總之就係幾好食既糖啦~


重新開始的第一篇就先寫到此啦~